მობილური აპლიკაციები, რომელიც მოგზაურობის დროს გამოგადგებათ.

სანამ სამოგზაუროდ წახვალ ყოველთვის ფიქრობ, თუ სმარტფონის რომელი აპლიკაცია ან პროგრამა დაგეხმარება და უფრო კომფორტულს გახდის დასვენების პროცესს.

1. Skyscanner

ძალიან საჭირო აპლიკაციაა. მისი დახმარებით, თქვენ შეძლებთ შეადაროთ სხვადასხვა კომპანიების მიერ შემოთავაზებული რეისები. პროგრამა ავტომატურად გთავაზობთ ყველაზე იაფ ბილეთებს და ამავდროულად, საუკეთესო თარიღებს გასაფრენად.

2. Goeuro

ერთ-ერთი ყველაზე გავრცელებული ტრანსპორტის საძიებო სისტემა, ამ აპლიკაციის მეშვეობით შეგიძლიათ მოძებნოთ ყველაზე იაფი მატარებლის ან ავტობუსის ბილეთები, ასევე შეგიძლიათ შეადაროთ ერთმანეთს სხვადასხა კომპანიების ფასები მოცემულ მარშრუტზე და აირჩიოთ თქვენთვის სასურველი ფასი .

3. Hotel Tonight

მოგზაურობის დროს ბევრი პრობლემა შეიძლება შეგექმნას, მაგალითად დაიგვიანოს თვითმფრინავმა ან გადაიდოს რეისი, რამაც შეიძლება შენი სასტრუმროს ჯავშნის გაუქმება გამოიწვიოს. ეს პროგრამა მსოფლიოში უამრავი სასტუმროს პარტნიორია, მისი საშუალებით შენ შეიტყობ შესაბამისი ლოკაციის და სასტუმროს თავისუფალი ნომრების შესახებ და რამოდენიმე წამში მარტივად დაჯავშნი მას.

4. Citymapper

თუ პირველად ხარ რომელიმე ქალაქში, ეს აპლიკაცია დაგეხმარება სასურველი ტრანსპორტის პოვნაში, დაწყებული მეტროდან დამთავრებული მატარებლით. ის ასევე დაგეხმარება, მაქსიმალურად მცირე დროში სასურველ ლოკაციაზე მოხვედრაში.

5. Live Trekker

ეს ამბიციური აპლიკაცია თქვენი მოგზაურობის ციფრულ ჟურნალს ჰქმნის. ის აკვირდება თქვენს გადაადგილებას და თქვენს მარშრუტს რუკაზე წითელი ზოლით აღნიშნავს. ის ასევე აკვირდება თქვენს სიჩქარეს და სიმაღლეს ზღვის დონიდან. შეგიძლიათ დაამატოთ სურათები, ვიდეოები, აუდიო და ტექსტები, და ამ ყველაფრის ერთობლივობით შექმნათ მულტიმედიური მოგზაურობის დღიური.

6. Trail Wallet

წარმატებული და სასიამოვნო მოგზაურობის უმნიშვნელოვანესი ნაწილი სწორად დაგეგმილი ბიუჯეტია. ხშირად, მოგზაურობისას ადამიანები დაუფიქრებლად ხარჯავენ ფულს და მათი ბიუჯეტიც უდროოდ იწურება. სწორედ ამისთვის, არსებობს აპლიკაცია Trail Wallet, რომელიც ბიუჯეტის განსაზღვრაში დაგეხმარებათ. მისი საშუალებით, თქვენ შეძლებთ ზუსტად განსაზღვროთ კვების, სასტუმროს, მგზავრობის და მრავალი სხვა დეტალის ყოველდღიური ხარჯები.

7. Google Translate

ყველასთვის ნაცნობი აპლიკაცია, რომლის მეშვეობითაც გადათარგნით სასურველ ტექსტს ნებისმიერ ენაზე

გისურვებთ წარმატებას.